print KalaallisutDanskEnglishLogin
Nutaarsiassat (20/10-2011)
Uniformit Nutaat
Majoriaq
Najukkat allattorsimaffiat
Lederkursus Brochure 
Siulersuisuunerit 
Nunanut allanut attaveqaat 
Link-it
Narsarsuaq 2010 
   Titel
   Titel
   Titel
Ataatsimeersuarneq 2009 
Titel 
Titel 
Titel
Assit
Pulaartut allattarfiat
Oqallittarfik


Sitemap







Tammaarsuarneq 2010

Spejderit kattuffiat kujataani tammaarsuartitsiniarpoq. Taammaarsuarfissaq Narsarsuaq siornatigut amerikamiut mittarfigisimavaat taaguuteqarsimasoq blue west 1. Ullumikkut kujataani atlanti qulaallugu timmisartunut mittarfiuvoq. Narsarsuaq tammaarsuarfissatut piukkunnaateqarluarpoq. Sermersuaq uaneerannguamiippoq aammalu periarfissaqarluarluni allanik. Savaateqarfiit eqqaaniittut arlaqaqaat. Narsarsuaq qaqqanik 500-1500 meterinik portussusilinnik ungalusimavoq. Sermersuaq 9 km.-erisut ungasitsigisumiippoq—imaluunniit pisuinnaq ornillugu akunnerit 3-4 atorlugit tikinneqarsinnaalluni.

 

Narsarsuarmiit Qassiasummut isikkivigilluinnarpoq kangerluup illuatungaaniikkami. Paasinarluinnarpoq Erik aappalaartoq tassunga nunasisimammat, narsaatit qaarsortallu sivingaartut tassaniipput. Taanna 985-imi ilaquttani ilagalugit nunasivoq tamannalu atsersimavaa Brattahlid. Ullumikkut illukut sinneri takuneqarsinnaapput aammalu Erik aappalaartup illukua assilillugu sanaqqinneqarsimavoq soorluttaaq Tjodhilde-p oqaluffia aamma taamatut sanaqqinneqarsimasoq.

 

Narsarsuarmit umiatsiamik akunnerup ataatsip iluani Itilleq orninneqarsinnaavoq tassanngaanniillu Igaliku 6 km.-erit ungasitsigiinnarpoq. Qallunaatsiaat nuna Gardar-imik atsersimavaat tassanilu biskopeqarfiliorput ukioq 1126-imi.

 

Oqaluffiup sinneri ullumikkut  takuneqarsinnaapput aammalu ukiuni kingullerni biskorpip inigisimasaa ilaarlugu suliarineqarsimalluni taannalu qallunaatsiaanut nunatsinni eqqaassutissanut ullumikkut ilaavoq.

 

Neriuutigaarput nunat avannarliit peqataatitaqarumaartut, tassa Danmarki, Kalaallit Nunaat, Savalimmiut, Norge, Sverige, Finland, Island. Aammalu neriuutigaarput Canada Alaskalu.

 

Qaraasaasiakkut nittartagarput www.scout.gl tammaarsuarnissaq 2010 pillugu nutartillattaajumaarparput.

 

 

PAASISSUTISSAT

 

Sumiiffissaa qaqugulu pinissaa

19.-28. juli 2010—61.8.55.N  45.22.20 V

Narsarsuaq. H.K.H. Prinsesse Benedikte jamborette 2010-imut illersuisoorusulluni akuersinikuuvoq.

 

Peqataasinnaasut:

Nunatsinneersut killeqanngilaq ukiunut. Avataaneersut 12-niit qummullu killeqarnani.

 

Peqataanissamut aki:

Peqataanissamut akiliut kr. 5.000-iuvoq inummut ataatsimut. Angalanissamut aki nammineq aamma akilerneqassaaq.

 

Peqataanissamut akiliutip kr. 5.000-iusoq ukununnga atornqassaaq.

Nerisaqarneq (ullaakkorsiutit, ulloqeqqasiorneq, unnukkullu nerineq) - t-shirt ataaseq, Qassiarsummut kingornalu Qooqqut sermianut turistit angallataannut ilaalluni angalaneq, aammalu sammisassanut (qajartorneq, innartorneq, sermersuarmut pisunneq, qissattarneq) il.il. aamma ilaapput. Helikopterernerit kangerlunnullu angalanerit nammineq akilerneqassapput.

 

Sumiiffissaa qaqugulu pinissaa

19.-28. juli 2010—61.8.55.N  45.22.20 V

Narsarsuaq. H.K.H. Prinsesse Benedikte jamborette 2010-imut illersuisoorusulluni akuersinikuuvoq.

 

Peqataasinnaasut:

Nunatsinneersut killeqanngilaq ukiunut. Avataaneersut 12-niit qummullu killeqarnani.

 

Peqataanissamut aki:

Peqataanissamut akiliut kr. 5.000-iuvoq inummut ataatsimut. Angalanissamut aki nammineq aamma akilerneqassaaq.

 

Peqataanissamut akiliutip kr. 5.000-iusoq ukununnga atornqassaaq.

Nerisaqarneq (ullaakkorsiutit, ulloqeqqasiorneq, unnukkullu nerineq) - t-shirt ataaseq, Qassiarsummut kingornalu

 

Peqataanissamut nalunaarneq akiliinissarlu.

Nalunaartoqarsinnaavoq uunga: www.scout.gl –tassani nalunaarfissaq pissarsiarineqarsinnaavoq. Aamma email atorlugu uunga Spejderit@greennet.gl imaluunniit fax 00299 321945 imaluunniit allakkatigut:

 

Spejderit Kattuffiat

Noorlernut 43

Postboks 799

3900 Nuuk

 

Peqataanermut akiliut:

kr 5.000 imatut avinneqassaaq marlunngorlugu

 

akiliineq siulleq kr. 3.000 1. marts 1010

akillineq tullia kr. 2.000 1. maj 2010

 

Angalanissamut tunngasut:

Februarip ingerlanerani 2010 nalunaarutigineqarumaarpoq.

 

Kujataa pillugu paasissutissat:

Asuliinnaanngilaq kujataa taaneqartarmat nunatta naatsiivianik. Qorsooqqeqaaq naggorillunilu, silaannaa kangerlunni kiappoq, sorpassuassuarnillu naatitanik naatitsisoqarsinnaalluni. Kujataa aamma savaateqarfissuuvoq taamaattumik aasakkut savat qaqqani takussaasaqaat. Kujataa tassaavoq Erik aappalaartup nunasiffia taamaasillunilu qallunaatsiaat 985-imi nunasinerat tunngavilersimallugu. 

 

Silaannaa:

Ullukkut 15 grader qaangersinnaasarpaa aammalu suli kiannerusinnaasaqaluni.

 

 

Sammisassat tammaarsuarnermi:

 

Hiking, pinngortitarsuarmi tupinnartumi

Sermersualiarneq.

Savaateqarfinnut pulaarneq.

Qajartorneq.

Illutoqqanik iluarsaaneq

Helikoptererneq.

Qaqqasiorneq.

Innartorneq.

Kangerlunni umiartorneq.

Kuunni qissattarneq.

il.il.

 

 

Kalaallit Nunaanni Spejderit Kattuffiat - Grønlands Spejderkorps - konsulent@scout.gl
Tunngavik CMS